Parizoda Yandashova
About Mentor
Parizoda Yandashova — Germaniya hukumatining DAAD ERP stipendiyasi (2025) sohibasi hamda investitsiyalar va loyiha boshqaruvi sohasida mutaxassis. Hozirda Ekologiya, atrof-muhitni muhofaza qilish va iqlim o‘zgarishi vazirligining Investitsiyalar va xalqaro kelishuvlarni ijro etish boshqarmasida yetakchi mutaxassis lavozimida faoliyat yuritmoqda. U $300 millionlik ekologik loyihani boshqarib, milliy ekologik maqsadlar va xalqaro standartlarga muvofiq amalga oshirishda yetakchilik qilmoqda.
Parizoda professional faoliyati davomida "Ernst & Young" xalqaro kompaniyasida audit va tahlil bo‘yicha amaliyot o‘tagan hamda O‘zbekiston Respublikasi Moliya vazirligining Davlat tashqi qarzi departamentida moliyaviy ko‘rsatkichlar monitoringi va tahliliga ixtisoslashgan amaliyotni muvaffaqiyatli yakunlagan.
U “Murod Sharifxo‘jayev” nomidagi davlat stipendiyasi (2023) va O‘zbekiston Respublikasi Moliya vazirligining maxsus stipendiyasi (2022) sohibasi bo‘lib, akademik yutuqlari va ijtimoiy liderlik salohiyati bilan tan olingan.
Shuningdek, u xalqaro ilmiy jurnallarda investitsiyalar va iqtisodiy tahlil yo‘nalishida bir nechta maqolalar muallifi, jumladan: “Germaniyaning Markaziy Osiyodagi investitsiya strategiyasining tahlili” (2024) va “Yevropa davlatlarining makroiqtisodiy ko‘rsatkichlar asosida ekonometrik tahlil” (2022).
Parizoda “Yosh Menejer” (2021), “Social Project Management” (2022, Rossiya) va OSCE Academy’ning “Summer School–2022” (Bishkek, Qirg‘iziston) kabi xalqaro loyihalarda qatnashib, loyiha boshqaruvi, strategik rejalashtirish va akademik tahlil ko‘nikmalarini chuqurlashtirgan.
Education
