Robiya Razzoqova — Erasmus Mundus xalqaro ta’lim dasturi g'olibasi bo‘lib, 2026-yil sentabr oyida Yevropaning uchta nufuzli universiteti — University of Technology of Troyes (Fransiya), Cracow University of Technology (Polsha) va University of Bari Aldo Moro (Italiya) ni muvaffaqiyatli yakunlagan. Hozirda O‘zbekiston Respublikasi Tibbiyot va farmatsevtika tarmog‘ini rivojlantirish agentligining Fan, ta’lim va innovatsiyalar bo‘limida bosh mutaxassis lavozimida faoliyat yuritmoqda.
Akademik va professional faoliyati davomida Robiya xalqaro ta’lim imkoniyatlari, ilmiy tadqiqotlar va akademik rivojlanish yo‘nalishlarida salmoqli tajriba orttirgan. 2022–2023-yillar davomida 23 nafar talabaga individual mentorlik qilib, ularning nufuzli xalqaro grant va stipendiya dasturlarida muvaffaqiyat qozonishiga ko‘maklashgan. Uning mentorlik faoliyati natijasida talabalar Delft University of Technology, Arizona State University, University College Cork va Paris-Saclay University kabi nufuzli oliy ta’lim muassasalariga qabul qilingan.
Shuningdek, 2025–2026-yillarda Yevropaning yetakchi ilmiy-tadqiqot markazlari va laboratoriyalarida xalqaro amaliyot dasturlarida ishtirok etgan. Jumladan, Daniyadagi Technical University of Denmark (DTU) va DTU Biosustain, Finlyandiyadagi VTT Technical Research Centre of Finland, Fransiyadagi INRAE va CNRS kabi ilmiy muassasalarda amaliy tajriba orttirgan.
